1 րոպեի ընթերցում
Չնայած դեկտեմբերի 16-ի առավոտյան Գեղարքունիքի մարզի Գավառի, Ճամբարակի, Վարդենիսի և Մարտունու տարածաշրջաններում տեղացած թույլ ձյանը, մարզի միջպետական ու հանրապետական, ինչպես նաև մարզային ու համայնքային նշանակության բոլոր ճանապարհները բաց ու անցանելի են տրանսպորտային երթևեկության համար։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, ձյան շերտը կազմել է մի քանի սմ։ Վարդենյաց լեռնանցքը դժվարանցանելի է կցորդով տրանսպորտային միջոցների համար։
Գեղարքունիքի մարզպետարանից տեղեկացնում են, որ ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ: