1 րոպեի ընթերցում
Մայր Աթոռի դիվանապետ Արշակ արքեպիսկոպոս Խաչատրյանի փաստաբան Արսեն Բաբայանը հայտնում է, որ ՀՀ ազգային անվտանգության ծառայությունը Քննչական կոմիտեի շենքում ձերբակալել է հոգևորականին:
Այլ մանրամասներ դեռևս չեն հաղորդվում:
«Արմենպրես»-ը փորձում է տեղեկությունը ստուգել պատասխանատու իրավական կառույցներում:
«Հայկական Վիկիլիքս» անվանմամբ տելեգրամյան ալիքը հոկտեմբերի 25-ին հրապարակել է ինտիմ բնույթի տեսագրություն, որը վերագրվում է Արշակ արքեպիսկոպոս Խաչատրյանին: «Իրազեկ քաղաքացիների միավորում» ՀԿ-ն գլխավոր դատախազություն հաղորդում էր ուղարկել՝ նշելով, որ նրա անձնական կյանքի գաղտնիությունը ենթադրաբար կոպիտ կերպով խախտվել է։ Դատախազությունն այն փոխանցել էր Քննչական կոմիտե։ Քննչական կոմիտեն հետագայում հայտնել էր, որ դատատեսաձայնագրային և դիմանկարային փորձաքննությամբ հաստատվել է, որ տեսանյութերում պատկերված անձը հենց Արշակ արքեպիսկոպոս Խաչատրյանն է։