1 րոպեի ընթերցում
Դիլիջանի անտառային տարածքներում շարունակվում են վաղ առավոտից մեկնարկած հրդեհաշիջման աշխատանքները: «Արմենպրես»-ի հաղորդմամբ՝ այս մասին տեղեկացնում են Դիլիջանի համայնքապետարանից:
«Հարգելի բնակիչներ, տեղեկացնում ենք, որ Դիլիջանի անտառային տարածքներում շարունակվում են վաղ առավոտից մեկնարկած հրդեհաշիջման աշխատանքները։ ՀՀ ՆԳՆ Փրկարար ծառայության շուրջ 200 ծառայողներ, էկոպարեկներ, համայնքի բնակիչներ, փրկարար ծառայության և համայնքապատկան տեխնիկական միջոցներն այս պահին ևս ներգրավված են կրակի մարումը ապահովող գործողություններում»,-ասված է հաղորդագրությունում:
Համայնքապետարանից հորդորում են պահպանել հանգստություն և խուճապի չմատնվել։