Հայաստանի քաղաքացիական հասարակության ներկայացուցիչների խումբը այցելել է Բաքու

2025 թվականի նոյեմբերի 21-ին Հայաստանի քաղաքացիական հասարակության ներկայացուցիչների մի խումբ այցելել է Ադրբեջանի մայրաքաղաք Բաքու։ «Արմենպրես»-ի հաղորդմամբ՝ այս մասին հայտնում է Անվտանգային քաղաքականության հետազոտական կենտրոնը։

Նշվում է, որ այցը իրականացվել է որպես պատասխան քայլ՝ 2025 թվականի հոկտեմբերի 21–22-ին Երևանում անցկացված ադրբեջանական քաղաքացիական հասարակության ներկայացուցիչների այցին։

«Ադրբեջանի և Հայաստանի քաղաքացիական հասարակության ներկայացուցիչները շարունակում են երկխոսությունը խաղաղության օրակարգի շրջանակում, որը հաստատվել է օգոստոսի 8-ին Վաշինգտոնում ընդունված համատեղ Հռչակագրից հետո»,- ասված է հաղորդագրության մեջ։