Cloudflare-ը հայտարարել է տեխնիկական խնդիրների վերացման մասին

2 րոպեի ընթերցում

Cloudflare ամպային ծառայությունը հայտարարել է, որ վերացվել է ծառայության աշխատանքում գրանցված խոշոր տեխնիկական խնդիրը, որի հետևանքով ամբողջ աշխարհում բազմաթիվ կայքեր մի քանի ժամ շարունակ խափանումներով էին աշխատում։ «Արմենպրես»-ի փոխանցմամբ՝ այս մասին ասված է ծառայության պաշտոնական կայքում։

«Թիմը շարունակում է աշխատանքը խնդիրների վերացումից հետո համակարգի գործունեությունն ամբողջությամբ վերականգնելու ուղղությամբ։ Այժմ մենք մի շարք խնդիրներ ենք վերացնում, որոնք դեռ մնացել են ծառայության վերագործարկումից հետո»,- նշված է հաղորդագրությունում։

Ծառայությունը նաև հայտնել է, որ հետևում են իրավիճակին՝ հետագա խնդիրներից խուսափելու համար։

Cloudflare ամպային ծառայության աշխատանքում գրանցվել էր խոշոր տեխնիկական խնդիր, որի հետևանքով ամբողջ աշխարհում բազմաթիվ կայքեր խափանումներով էին աշխատում։ Խափանումների խնդրի հետ բախվել էր նաև «Արմենպրես»-ի կայքը:

Խափանման հետևանքով անհասանելի էր X սոցիալական ցանցը։ Խնդիրներ են եղել նաև Spotify-ի և ChatGPT-ի, ինչպես նաև այնպիսի լրատվական կայքերի աշխատանքում, ինչպիսիք են Mediazona-ն, Novaya Gazette Evropa-ը, Ukrainska Pravda-ն, Hromadske-ը, Delfi-ն և այլն։ Կապի խնդիրների մասին հաղորդել են Հայաստանի, ԱՄՆ-ի, Գերմանիայի, Թուրքիայի, Ավստրալիայի, Հնդկաստանի և Եգիպտոսի օգտատերերը։

Cloudflare-ը հայտարարել էր, որ տեղյակ է խնդրի մասին և աշխատում է այն լուծելու ուղղությամբ։

Cloudflare-ը ամերիկյան ընկերություն է, որը մատուցում է ամպային ծառայություններ կայքերի և ինտերնետային հավելվածների համար։ Ընկերության տվյալներով՝ իր ցանցը մշակում է ամբողջ վեբ թրաֆիքի մոտ 20%-ը։ 

Հայերեն Русский

Իրանը հերքել է քիմիական և կենսաբանական զենքի մշակման վերաբերյալ ԱՄՆ-ի մեղադրանքները

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր