1 րոպեի ընթերցում
Գեղարքունիքի մարզի Ծափաթաղ բնակավայրի հարակից դաշտամիջյան հատվածում մահացած հայտնաբերված 3-ամյա Տիգրան Օվանեսովին խեղդամահ է արել նրա հայրը:
«Արմենպրես»-ի փոխանցմամբ՝ այս մասին լրագրողների հետ զրույցում հայտնեց Ներքին գործերի նախարար Արփինե Սարգսյանը:
«Երկու եղբայրները դուրս են եկել տանից, հետո հորն են հանդիպել և հայրը խեղդելու ճանապարհով սպանել է փոքրիկին: Նշեմ, որ երեխայի հայրը նշել է, որ ներընտանեկան որոշակի հարցադրման շրջանակներում է վրա հասել դեպքը»,- ասաց Սարգսյանը:
2025 թվականի հոկտեմբերի 27-ին ՀՀ ՆԳՆ ոստիկանությունը հայտնել էր, որ որպես անհետ կորած որոնվում է Գեղարքունիքի մարզի Ծափաթաղ գյուղի բնակիչ, 3-ամյա Տիգրան Օվանեսովը։ Մի քանի օր տևած որոնողական աշխատանքներից հետո նոյեմբերի 2-ին ՆԳՆ ոստիկանությունը հայտնեց, որ փրկարարները հայտնաբերել են Տիգրան Օվանեսովի դին։ Նշանակվել էին փորձաքննություններ։