368.52
Կառավարությունը 20 միլիարդ դրամով կավելացնի Ղարաբաղից բռնի տեղահանված անձանց աջակցության ծրագրերի գումարը
1 րոպեի ընթերցում
Հայաստանի կառավարությունը Լեռնային Ղարաբաղից բռնի տեղահանված անձանց աջակցության համար հաջորդ տարի կհատկացնի 20 մլրդ դրամով ավելի շատ գումար, քան հատկացվել է այս տարի:
«Արմենպրես»-ի փոխանցմամբ՝ այս մասին հայտնեց Աշխատանքի և սոցիալական հարցերի նախարար Արսեն Թորոսյանն ԱԺ մշտական հանձնաժողովների համատեղ նիստում «ՀՀ 2026թ պետական բյուջեի մասին» օրենքի նախագծի նախնական քննարկումների ժամանակ:
«Ճգնաժամերի հակազդման և արտակարգ իրավիճակների հետևանքների նվազեցման և վերացման նպատակով առանձին սոցիալական խմբերին տրվող սոցիալական աջակցությանը կուղղվի 55 մլրդ դրամ, որը նախորդ տարվա համեմատ ավելի է 20 մլրդ դրամով կամ 57.1 տոկոսով: Սա Ղարաբաղից տեղահանված մեր հայրենակիցների աջակցության ծրագրերի բյուջեն է»,-ասաց Թորոսյանը:
Այդ բյուջեի մեջ ներառված են թե՛ բնակարանային ապահովման ծրագիրը, թե՛ ընթացիկ աջակցությունները:
Բաժանորդագրվեք մեր ալիքին Telegram-ում