Ալեն Սիմոնյանը պատասխանել է հայ-ադրբեջանական կարգավորման վերաբերյալ օտարերկրյա լրագրողների հարցերին

Հայաստանի Ազգային ժողովի նախագահ Ալեն Սիմոնյանը հանդիպել է միջազգային հեղինակավոր լրատվամիջոցների ներկայացուցիչների և օտարերկրյա փորձագետների հետ։ «Արմենպրես»-ի փոխանցմամբ՝ այս մասին հայտնում են խորհրդարանի Հասարակայնության հետ կապերի և հաղորդակցության վարչությունից։ 

Հարցուպատասխանի ձևաչափով տեղի ունեցած քննարկումների ժամանակ ՀՀ ԱԺ նախագահը պատասխանել է խորհրդարանական դիվանագիտությանը, ՀՀ ներքին քաղաքականությանը, Հայաստանում ընթացող ժողովրդավարական բարեփոխումներին, ինչպես նաև տարածաշրջանային զարգացումներին և Հայաստանի ու Ադրբեջանի միջև հաստատված խաղաղությանը վերաբերող մի շարք հարցերի:

Հանդիպումն իրականացվել է «Հանուն հավասար իրավունքների» կրթական կենտրոն հասարակական կազմակերպության և «Բարսելոնայի միջազգային հարաբերությունների կենտրոն»-ի (CIDOB) կազմակերպած՝ միջազգային հեղինակավոր լրատվամիջոցների ներկայացուցիչների և փորձագետների Հայաստան այցի շրջանակում։