368.59
Միրզոյանը ներկայացրեց ՀՀ դեսպանությունների համար տարբեր մայրաքաղաքներում շենքեր գնելու կարևորությունը
2 րոպեի ընթերցում
Հայաստանի արտաքին գործերի նախարարությունը որդեգրել է առավել առանցքային մայրաքաղաքներում Հայաստանի դեսպանությունների ներկայացվածության համար շենքեր գնելու քաղաքականություն:
«Արմենպրես»-ի փոխանցմամբ՝ այս մասին Ազգային ժողովի մշտական հանձնաժողովների համատեղ նիստում «ՀՀ 2026 թ. պետական բյուջեի մասին» օրենքի նախագծի քննարկման ընթացքում հայտնեց Հայաստանի արտաքին գործերի նախարար Արարատ Միրզոյանը:
«Լոնդոնում ձեռք բերեցինք անշարժ գույք և հիմա այնտեղ գործում է դեսպանությունը, Փարիզում հիմա ավարտվում են վերանորոգման աշխատանքները, առաջիկայում դեսպանության աշխատակիցները կտեղափոխվեն: Այս տարի արդեն գնել ենք շենքը Բրյուսելում՝ որպես մեր մշտական ներկայացուցչության տարածք ԵՄ-ում և Բելգիայում մեր դեսպանության, այստեղ դեռ ներքին հարդարման անհրաժեշտություն կա, որից հետո նոր կտեղափոխվենք»,- ասաց Միրզոյանը:
Արտաքին գործերի նախարարը նշեց՝ այս քայլը ոչ միայն տեխնիկական է, այլև ներկայացուցչական նշանակություն ունի:
«Մենք մայրաքաղաքներից մեկում ունեցել ենք դեսպանություն, որը շատ վատ վիճակում է եղել, որտեղ մենք գնում արեցինք: Բրյուսելի, Փարիզի դեպքում մեր հարաբերությունների տարողունակությունն այնպես է մեծանում, որ ավելի շատ մարդկանց կարիք կա, ավելի ներկայանալի միջավայրի կարիք կա»,- նշեց արտաքին գործերի նախարարը:
Բաժանորդագրվեք մեր ալիքին Telegram-ում