1 րոպեի ընթերցում
Կառավարությունը վերանայել և բարձրացել է տնտեսական աճի կանխատեսումները թե՛ 2025, թե՛ 2026 թվականների համար՝ կանխատեսելով համապատասխանաբար 5.2 և 5.4 տոկոս տնտեսական աճ:
«Արմենպրես»-ի հաղորդմամբ՝այս մասին ասաց ՀՀ ֆինանսների նախարար Վահե Հովհաննիսյանն ԱԺ մշտական հանձնաժողովների համատեղ նիստում «ՀՀ 2026 թվականի պետական բյուջեի մասին» օրենքի նախագծի քննարկմանը:
«Տնտեսական աճի կանխատեսումները վերանայվել են դեպի վերև՝ ելնելով այս տարվա զարգացումներից և առաջիկա սպասումներից: Այս տարվա կանխատեսումները 5.1 տոկոսից վերանայվել են 5.2 տոկոս: Եվ 2026 թվականի համար 5.1 տոկոսից վերանայվել են 5.4 տոկոս»,-ասաց Հովհաննիսյանը:
Ըստ նրա՝ տնտեսական աճը պայմանավորված կլինի հիմնականում ծառայությունների և արդյունաբերության աճով, իսկ պահանջարկի տեսանկյունից՝ ներքին պահանջարկի և հայկական ծագման ապրանքների արտահանման աճով: