ՊԵԿ նախագահը ներկայացրեց խաղային գործունեության կարգավորման օպերատորի ներդրման մանրամասները
1 րոպեի ընթերցում
Պետական եկամուտների կոմիտեի կողմից հայտարարված՝ խաղային գործունեության կարգավորման օպերատորի ընտրության մրցույթի նկատմամբ հետաքրքրություն են ցուցաբերում, թե՛ տեղական, թե՛ միջազգային կազմակերպությունները:
«Արմենպրես»-ի մամուլի սրահում այս մասին հայտնեց Պետական եկամուտների կոմիտեի նախագահ Էդուարդ Հակոբյանը:
«Օպերատորի ներդրմամբ՝ մենք կկարողանանք իրական ժամանակի ռեժիմով տեսնել խաղային ոլորտի շրջանառությունները, այսինքն՝ խաղադրույք և շահում, և դրա արդյունքում հաշվարկվող եկամուտները կլինեն ավելի հստակ»,- ասաց Հակոբյանը:
Պետական եկամուտների կոմիտեի նախագահ Էդուարդ Հակոբյանը նշեց, որ նախատեսվում է 2026 թվականի ընթացքում ունենալ արդեն այս ուղղությամբ գործող օպերատոր: