1 րոպեի ընթերցում
Վարչապետ Նիկոլ Փաշինյանը վերահաստատեց՝ Հայաստանում չի կարող կոնյակ արտադրվել, քանի որ այն ստեղծվում է միայն Ֆրանսիայի Կոնյակ երկրամասում աճեցված խաղողից:
«Արմենպրես»-ի փոխանցմամբ՝ այս մասին վարչապետը խոսեց ՀՀ կառավարության հոկտեմբերի 23-ի նիստի ընթացքում:
«Այն, որ ես ասում եմ՝ Հայաստանում չի կարող կոնյակ արտադրվել, դա հիմք է տալիս ինձ մեղադրելու մեր ազգային արմատներից կտրվելու համար: Շամպայն Հայաստանում չի կարող լինել, որովհետև շամպայն արտադրվում է միայն այն խաղողից, որը Ֆրանսիայի Շամպայն ռեգիոնում է աճում, դրա համար կա պրոսեկո, ժանրը փրփրուն գինին է: Ասում են՝ կոնյակ ենք տանում, չեն թողնում, բա ասում եք լավ հարաբերություններ ունեք ԵՄ-ի հետ, հայկական կոնյակի ճամփան փակ է Եվրամիությունում»,-ասաց վարչապետը:
Նիկոլ Փաշինյանը պարզաբանեց՝ խնդիրը տեղանունների մեջ է, նույն սկզբունքով՝ Դիլիջանում չի կարող «Ջերմուկ» հանքային ջուր արտադրվել: