Հարավային Կովկասում հաղորդակցությունների ապաշրջափակումը կնպաստի տարածաշրջանի տրանզիտային հնարավորությունների ընդլայնմանը. Ասադով
1 րոպեի ընթերցում
Ադրբեջանի վարչապետ Ալի Ասադովը հայտարարել է, որ խաղաղության օրակարգի գործընթացում Հայաստանի և Ադրբեջանի միջև ձեռք բերված համաձայնությունները պատմական նշանակություն ունեն Հարավային Կովկասում կայուն համագործակցության համար։
«Արմենպրես»-ի փոխանցմամբ՝ Ադրբեջանի վարչապետն այս մասին ասել է «Մետաքսի ճանապարհ» խորագրով Թբիլիսիի 5-րդ ֆորումի ժամանակ։
«Տարածաշրջանում հաղորդակցությունների բացումը, այդ թվում՝ Ադրբեջանի կապի վերականգնումը Նախիջևանի Ինքնավար Հանրապետության հետ, կնպաստի միջազգային բեռնափոխադրումների համար տարածաշրջանի տրանզիտային հնարավորությունների ընդլայնմանը։ Մենք վստահ ենք, որ նոր երթուղին, որը բացվելու է տարածաշրջանում այս տարվա օգոստոսի 8-ին Վաշինգտոնում ձեռք բերված համաձայնությունների հիման վրա, դառնալու է Միջին միջանցքի կարևոր բաղադրիչներից մեկը և ներդրում կունենա գլոբալ տրանսպորտային կապի մեջ դրա դերի բարձրացման վրա»,- ասել է Ադրբեջանի վարչապետը։