Դեսպան Մարիամ Գևորգյանն իր հավատարմագրերի պատճենն է հանձնել Բոլիվիայի ԱԳ նախարարին

Համատեղության կարգով Բոլիվիայի Բազմազգ Պետությունում Հայաստանի Հանրապետության դեսպան Մարիամ Գևորգյանն (նստավայրը՝ Մոնտեվիդեո) իր հավատարմագրերի պատճենն է հանձնել Բոլիվիայի Բազմազգ Պետության արտաքին հարաբերությունների նախարար Սելինդա Սոսա Լունդային։

«Արմենպրես»-ի հաղորդմամբ՝ այս մասին նշված է Ուրուգվայում ՀՀ դեսպանության տարածած հաղորդագրության մեջ։

Նշվում է, որ նախարար Սոսա Լունդան շնորհավորել է ՀՀ դեսպանին և մաղթել հաջողություններ իր առաքելության ընթացքում: 

Հանդիպման շրջանակներում դեսպան Մարիամ Գևորգյանն ու նախարար Սոսա Լունդան անդրադարձել են երկկողմ հարաբերությունների զարգացման հեռանկարներին և նախանշել համագործակցության հնարավոր ուղղությունները: