Աֆղանստանը հայտնել է Պակիստանի հետ բախման հետևանքով կորուստների մասին

Աֆղանստանում հայտնել են, որ հոկտեմբերի 11-ի երեկոյան իրականացված գործողության ընթացքում զոհվել է 58 պակիստանցի զինվոր, վիրավորվել՝ 30-ը։

«Արմենպրես»-ի հաղորդմամբ՝ ինչպես փոխանցում է Tolo news լրատվական պորտալը, այս մասին տեղեկացրել է Աֆղանստանի գերագույն առաջնորդի մամուլի խոսնակ Զաբիհուլլահ Մուջահիդը։

Խոսնակը նշել է, որ գործողությունը դադարեցվել է կեսգիշերին՝ Կատարի և Սաուդյան Արաբիայի խնդրանքներից հետո։

Նշվում է, որ Աֆղանստանի զինված ուժերը պատասխան գործողություններ են իրականացրել պակիստանյան ուժերի դեմ մի քանի աֆղանական նահանգներում։