«Դասավանդի՛ր Հանուն Հայաստանի» հիմնադրամը մասնակցում է DigiTec 2025-ին

3 րոպեի ընթերցում

«Դասավանդի՛ր Հանուն Հայաստանի» կրթական հիմնադրամը մասնակցում է հոկտեմբերի 10-12-ը Երևանում անցկացվող DigiTec 2025 տեխնոլոգիական ցուցահանդեսին։ Հիմնադրամը ցուցահանդես երեք օրերի ընթացքում հանդես կգա իր տաղավարով։

«Արմենպրես»-ի փոխանցմամբ՝ հիմնադրամի տաղավարում այցելուներին սպասվում են հետաքրքիր անակնկալներ, նվերներ և ինտերակտիվ խաղեր՝ ճանաչելու հիմնադրամի կրթական ծրագրերն ու հնարավորությունները։

Հիմնադրամի մասնակցությունը DigiTec-ին միայն տաղավարով ներկայացված լինելով չի սահմանափակվում։ Այն ակտիվորեն ներգրավված է ցուցահանդեսի շրջանակներում անցկացվող տարբեր պանելային քննարկումներում։ 

Հոկտեմբերի 12-ին «Դասավանդի’ր Հանուն Հայաստանի» հիմնադրամի գործադիր տնօրենի պաշտոնակատար և գլխավոր գործառնական տնօրեն Գոռ Նազարյանը կմասնակցի EdTechTalks պանելային քննարկմանը, որը կազմակերպում է «Արմաթ» ինժեներական լաբորատորիաների ցանցը։ Քննարկման թեման է՝ «Նոր աշխարհ, հին կրթություն․ ի՞նչ ենք մենք իրականում սովորեցնում երեխաներին և ինչպե՞ս»։

Նույն օրը հիմնադրամը կկազմակերպի է նաև մեկ այլ պանելային քննարկում։ Քննարկումը, որը կանցկացվի ինտերակտիվ ձևաչափով, կմոդերացնի հիմնադրամի մարդկային ռեսուրսների և մշակույթի բաժնի ղեկավար Տաթև Կարապետյանը։ Պանելային քննարկման մասնակիցներն են DataArt-ի ավագ փոխնախագահ, Հայաստան-Վրաստան բիզնես կլաստերի ղեկավար, ԱՏՁՄ խորհրդի անդամ Արսեն Բաղդասարյանը, ԱՏՁՄ խորհրդի անդամ Ռեմ Դարբինյանը, 
Կրթական տեխնոլոգիաների ազգային կենտրոնի E-school Armenia ծրագրի ղեկավար Ռաիսա Ավետյանը, ծրագրավորող, «Դասավանդի’ր Հանուն Հայաստանի» Ուսուցիչների առաջնորդության ծրագրի Tech4Armenia նախաձեռնության մասնակից Հովսեփ Խաչատրյանը։ 

Քննարկման ընթացքում պանելիստները կանդրադառնան ժամանակակից կրթության մարտահրավերներին և հնարավորություններին՝ տեխնոլոգիական զարգացումների համատեքստում։ Հանդիսատեսի յուրաքանչյուր անդամ կարող է դառնալ պանելային քննարկման խոսնակ՝ կիսվելով իր կարծիքով և փորձով։ 

«Դասավանդի’ր Հանուն Հայաստանի» հիմնադրամը հրավիրում է բոլորին այցելել իր տաղավարն ու միանալ քննարկումներին՝ բացահայտելու, թե ինչպես են կրթությունն ու տեխնոլոգիաները փոխում ապագան։

Հոկտեմբերի 10-12-ը Երևանում անցկացվում է DigiTec 2025 տեխնոլոգիական ցուցահանդեսը, որը կազմակերպում է Առաջատար տեխնոլոգիաների ձեռնարկությունների միությունը (ԱՏՁՄ/UATE)։ Ցուցահանդեսը համախմբում է տեխնոլոգիական ոլորտի առաջատար ընկերություններին, նորարարներին և կրթական նախաձեռնություններին՝ ներկայացնելու ոլորտի նոր միտումները և լուծումները։

Հայերեն Русский

Իրանը հերքել է քիմիական և կենսաբանական զենքի մշակման վերաբերյալ ԱՄՆ-ի մեղադրանքները

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր