368.52
Նուբարաշենի աղբավայրում գրեթե մեծ մասամբ մարել են կրակի լեզվակները. առկա է մեծ ծավալի ծխածածկույթ. Ավինյան
1 րոպեի ընթերցում
Նուբարաշենի աղբավայրում լուսադեմին գրեթե մեծ մասամբ մարել են կրակի լեզվակները. առկա է մեծ ծավալի ծխածածկույթ:
«Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է Երևանի քաղաքապետ Տիգրան Ավինյանը։
Երևանի քաղաքապետը հայտնել է, որ այս պահին աշխատում է շուրջ 20 միավոր հատուկ տեխնիկա՝ Փրկարար ծառայության, ԵԱՍՄ համայնքային հիմնարկի ու կապալառու ընկերությունների ամբարձիչներ ու բեռնատարներ՝ հողի ծածկույթով տարածքը լցնելու ուղղությամբ՝ ծուխը վերացնելու նպատակով։
Երկու օրերի ընթացքում 248 մեքենա հող է տեղափոխվել աղբավայր։
Նուբարաշենի աղբավայրի տարածքի հսկողության ու անվտանգային կանոնների պահպանման նպատակով մեկնարկել են արտաքին լուսավորության համակարգի անցկացման, տեսախցիկների ու արգելապատնեշների տեղադրման նախապատրաստական աշխատանքներ։
Մուտքի վրա խստագույն ռեժիմ է սահմանված։
Երևանի քաղաքապետ Տիգրան Ավինյանն ավելի վաղ հայտարարել էր, որ Նուբարաշենի աղբավայրում բռնկված հրդեհը ոչ թե պատահականություն է եղել, այլ դիտավորություն՝ շեշտելով, որ ինքն այդ թեմայով արդեն զրուցել է ՀՀ ազգային անվտանգության ծառայության տնօրենի և ՀՀ ներքին գործերի նախարարի հետ։
Բաժանորդագրվեք մեր ալիքին Telegram-ում