1 րոպեի ընթերցում
ԱՄՆ նախագահ Դոնալդ Թրամփը հոկտեմբերի 13-ին կմեկնի Իսրայել ՀԱՄԱՍ-ի կողմից իսրայելցի պատանդների վերադարձի համար։
«Արմենպրես»-ի փոխանցմամբ՝ Channel 12 հեռուստաալիքը հայտնել է, որ Թրամփը վայրէջք կկատարի «Բեն Գուրիոն» օդանավակայանում, որտեղ նրան կդիմավորեն պաշտոնական արարողությամբ։
Այնուհետև ԱՄՆ նախագահը կմեկնի անմիջապես Երուսաղեմ և ելույթ կունենա Քնեսեթում, որից հետո կվերադառնա օդանավակայան և կմեկնի ԱՄՆ։
Հեռուստաալիքը հաղորդում է, որ այցը կարճատև կլինի, քանի որ հոկտեմբերի 12-ի փոխարեն Թրամփը ժամանելու է մեկ օր ուշ՝ այցի կազմակերպման լոգիստիկ պատճառներից ելնելով։
Հետևաբար, Թրամփը չի կարողանա գնալ Թել Ավիվի Պատանդների հրապարակ՝ չնայած պատանդների ընտանիքները նման հույսեր ունեին։