Մխիթար Հայրապետյանը շնորհակալագրեր է հանձնել բարձր տեխնոլոգիաների ոլորտում նշանակալի ավանդ ունեցող մասնագետներին
1 րոպեի ընթերցում
Հայաստանի Հանրապետության բարձր տեխնոլոգիական արդյունաբերության նախարարությունում հոկտեմբերի 8-ին տեղի է ունեցել ՀՀ անկախության օրվա առթիվ վարչապետ Նիկոլ Փաշինյանի կողմից շնորհված շնորհակալագրերի հանձնման արարողությունը:
«Արմենպրես»-ի հաղորդմամբ՝ այս մասին հայտնում են ԲՏԱ նախարարությունից՝ նշելով, որ շնորհակալագրերը «Էլեկտրոն» ԲԲԸ-ի տնօրեն Սամվել Աբրահամյանին և «Հայկ Մեկ» ՍՊԸ-ի տնօրեն Վալերի Մարտիրոսյանին հանձնել է նախարար Մխիթար Հայրապետյանը` բարձր տեխնոլոգիաների և ռազմարդյունաբերության ոլորտներում իրենց երկարամյա գործունեության և նշանակալի ավանդի համար:
Հաղորդվում է, որ նախարար Հայրապետյանը, շնորհավորելով ոլորտի վաստակաշատ մասնագետներին, ընդգծել է նրանց ունեցած ներդրումն ու նվիրվածությունը Հայաստանի տեխնոլոգիական և պաշտպանական համակարգերի զարգացման գործում։