Հնդկաստանը հույս ունի, որ ԱՄՆ-ի ծրագիրը կայուն խաղաղության կհանգեցնի Գազայի հատվածում
1 րոպեի ընթերցում
Հնդկաստանը ողջունել է Գազայի հատվածում հակամարտության դադարեցման՝ ԱՄՆ-ի կողմից հրապարակված ծրագիրը և հույս ունի, որ այն կհանգեցնի կայուն խաղաղության:
«Արմենպրես»-ի փոխանցմամբ՝ այս մասին X-ի իր էջում հրապարակել է Հնդկաստանի վարչապետ Նարենդրա Մոդին:
«Մենք ողջունում ենք Դոնալդ Թրամփի հայտարարությունը Գազայի հատվածում հակամարտության դադարեցման ծրագրի մասին: Այն բացում է իրական ճանապարհ դեպի երկարաժամկետ և կայուն խաղաղություն, անվտանգություն և զարգացում պաղեստինցի և իսրայելցի ժողովուրդների, ինչպես նաև՝ ամբողջ Մերձավոր Արևելքի տարածաշրջանի համար: Մենք հույս ունենք, որ բոլոր շահագրգիռ կողմերը կմիավորվեն նախագահ Թրամփի նախաձեռնության շուրջ և կաջակցեն հակամարտության դադարեցման և խաղաղության ապահովման ջանքերին», - գրել է Հնդկաստանի վարչապետը:
Ավելի վաղ Սպիտակ տունը հրապարակել է Գազայի հատվածում հակամարտության կարգավորման ծրագիրը: