1 րոպեի ընթերցում
Չինաստանի բժիշկները չիկունգունյա վիրուսով վարակման 3 153 նոր դեպք են գրանցել հարավային Գուանդունի նահանգում։ Ինչպես հայտնել է հիվանդությունների վերահսկման և կանխարգելման տարածաշրջանային կենտրոնը, ախտահարվածները հայտնաբերվել են սեպտեմբերի 21-ից մինչև 27-ն իրականացված մոնիթորինգի միջոցով։
«Արմենպրես»-ի փոխանցմամբ, դեպքերի ճնշող մեծամասնությունը (2 927) ախտորոշվել է Ցզյանմենի քաղաքային շրջանում։ Գուանդունի նահանգի հիվանդությունների վերահսկման և կանխարգելման կենտրոնի տնօրեն Կան Մինը հայտարարել է, որ ՉԺՀ-ում պետական տոների (հոկտեմբերի 1-8) շրջանում բնակչության բարձր շարժունակությունը մեծացնում է մոծակների միջոցով փոխանցվող տենդի տարածման ռիսկը։
Վերջին շրջանում վիրուսը տարածող մոծակների ոչնչացման արշավից հետո հիվանդացության մակարդակը սկսել է նվազել: