1 րոպեի ընթերցում
Միացյալ Նահանգները և Իսրայելը շատ մոտ են Գազայում պատերազմը դադարեցնելուն ուղղված ԱՄՆ նախագահ Դոնալդ Թրամփի առաջարկի շուրջ համաձայնության գալուն։ Ինչպես հաղորդում է «Արմենպրես»-ը, այս մասին X-ի իր էջում գրել է Axios լրատվականի լրագրող Բարաք Ռեյվիդը։
Վերջինս հայտնել է, որ դրական առաջընթացը գրանցվել է ԱՄՆ նախագահի հատուկ բանագնաց Սթիվ Ուիթքոֆի, Թրամփի նախկին խորհրդական, Իվանկա Թրամփի ամուսնու՝ բիզնեսմեն Ջարեդ Քուշների և Իսրայելի վարչապետ Բենյամին Նեթանյահուհի միջև բանակցություններից հետո։
Բարաք Ռեյվիդին անանուն պաշտնոյան ասել է, որ մնացել է ստանալ ՀԱՄԱՍ-ի համաձայնությունը։