1 րոպեի ընթերցում
ՄԱԿ-ի Գլխավոր ասամբլեայի նստաշրջանի ժամանակ Իսրայելի վարչապետ Բենիամին Նեթանյահուի ելույթին արձագանքել են բողոքի ակցիաներով․ տարբեր երկրների տասնյակ պատվիրակներ զանգվածաբար լքել են դահլիճը։ Ինչպես տեղեկացնում է «Արմենպրես»-ը, վկայակոչելով AP-ին, Նեթանյահուն իր ելույթում հայտարարել է, որ Իսրայելը պետք է ավարտի աշխատանքը Գազայում ՀԱՄԱՍ-ի դեմ՝ չնայած միջազգային հանրության աճող քննադատություններին և հրադադարի պահանջներին։
«Արևմտյան որոշ առաջնորդներ գուցե տեղի են տալիս ճնշումներին, բայց ես ձեզ երաշխավորում եմ՝ Իսրայելը դա չի անի»,– ասել է նա։
Ելույթի ընթացքում դահլիճում հնչել են նաև բողոքող ձայներ, մինչդեռ որոշ հատվածներում հնչել են ծափահարություններ։ ԱՄՆ պատվիրակությունը, որը աջակցում է Իսրայելի գործողություններին, մնացել է դահլիճում։