Բուլղարիան կարևորում է Հայաստանի հետ առևտրատնտեսական հարաբերությունների ընդլայնումը. Նիկոլ Փաշինյանն ընդունել է Աթանաս Զաֆիրովին

2 րոպեի ընթերցում

Հայաստանի վարչապետ Նիկոլ Փաշինյանն ընդունել է Բուլղարիայի փոխվարչապետ Աթանաս Զաֆիրովի գլխավորած պատվիրակությանը: 

«Արմենպրես»-ի փոխանցմամբ՝ ՀՀ վարչապետի աշխատակազմից հայտնում են, որ Նիկոլ Փաշինյանը ողջունել է այցը Հայաստան և նշել, որ երկու երկրների միջև առկա քաղաքական և մշակութային բարձր մակարդակի հարաբերությունները պետք է հիմք լինեն տնտեսական համագործակցության զարգացման ու խորացման համար: Հայաստանի վարչապետը հույս է հայտնել, որ պարոն Զաֆիրովի այցի արդյունքներով ավելի ակտիվ աշխատանքներ կիրականացվի այդ ուղղությամբ: 

Բուլղարիայի փոխվարչապետը շնորհակալություն է հայտնել ջերմ ընդունելության համար և շնորհավորել ՀՀ անկախության տոնի առիթով: Աթանաս Զաֆիրովն ընդգծել է երկու երկրների և ժողովուրդների բազմադարյա կապերի փաստը և հավելել, որ իր երկիրը կարևորում է ՀՀ-ի հետ առևտրատնտեսական հարաբերությունների ընդլայնումը: 

Այս առումով, զրուցակիցները նշել են բիզնես ֆորումների անցկացման, տնտեսության տարբեր ճյուղերում համագործակցության խթանմանը միտված քայլերի իրականացման անհրաժեշտությունը: 

Մտքեր են փոխանակվել նաև Հայաստան-Եվրոպական միություն համագործակցության, ինչպես նաև տարածաշրջանային նշանակության այլ հարցերի շուրջ: Բուլղարիայի փոխվարչապետը ողջունել է օգոստոսի 8-ին Վաշինգտոնում Հայաստանի և Ադրբեջանի միջև ստորագրված հռչակագիրն ու խաղաղության հաստատումը:  

Հայերեն English Español ქართული Русский

Ուրսուլա ֆոն դեր Լայենը հայտարարել է ուկրաինական հակամարտության կարգավորման բանակցություններին Եվրոպայի մասնակցության մասին

Վարչապետը մասնակցել է ի պատիվ ՖՄԿ 20-րդ գագաթնաժողովի մասնակիցների տրված ընթրիքին

Հայաստանի հավաքականը ոչ-ոքի ավարտեց հանդիպումը Լատվիայի հետ

Հանրապետությունում օդի ջերմաստիճանը կնվազի. սպասվում են տեղումներ

Վարչապետն այցելել է Ֆրանկոֆոնիայի ավանում բացված Հայաստանի տաղավար

Վարչապետը մասնակցել է ՖՄԿ լիագումար նիստերին

Պնոմ Պենում տեղի է ունեցել Հայաստանի և Մոլդովայի վարչապետների հանդիպումը

Նոյեմբերի 14-ից հասանելի են կենսաչափական անձնագրերի և նույնականացման քարտերի ամենասեղմ ժամկետում տրամադրման ծառայությունները

Գործնական հմտությունների կատարելագործում․ Մալիշկա գյուղի դպրոցում անցկացվել է հատուկ-տակտիկական ուսումնավարժություն

ՀՀ տարածքում ավտոճանապարհները հիմնականում անցանելի են