Հայաստանի քննչական կոմիտեի նախագահը Չինաստանում մասնակցել է Հանրային անվտանգության տեխնոլոգիաների ցուցահանդեսին
1 րոպեի ընթերցում
Հայաստանի քննչական կոմիտեի նախագահ Արթուր Պողոսյանը Չինաստանի Ժողովրդական Հանրապետության Լիանյունգան քաղաքում մեկնարկած Համաշխարհային հանրային անվտանգության համագործակցության 2025 թվականի համաժողովի շրջանակներում մասնակցել է Հանրային անվտանգության տեխնոլոգիաների ցուցահանդեսին։
«Արմենպրես»-ի փոխանցմամբ՝ այս մասին հաղորդագրություն է տարածել ՀՀ քննչական կոմիտեն։
ՀՀ քննչական կոմիտեի նախագահը ծանոթացել է չինական ոստիկանության կողմից օգտագործվող՝ քրեական վարույթների քննության, երթևեկության կառավարման, հակաահաբեկչական գործողությունների, հրամանատարության և կապի համակարգման նորագույն տեխնոլոգիաներին և արտադրանքին: