Իսպանիան կբոյկոտի «Եվրատեսիլ 2026»-ը՝ Իսրայելի մասնակցության դեպքում

2 րոպեի ընթերցում

Իսպանիան սպառնացել է բոյկոտել 2026 թվականի «Եվրատեսիլ» երգի մրցույթը, եթե դրան մասնակցի Իսրայելը։ «Արմենպրես»-ի փոխանցմամբ՝ այս մասին հաղորդում է Sky News-ը։

Նշվում է, որ Իսպանիան դարձել է հինգերորդ հեռարձակողը, որը սպառնացել է բոյկոտել մրցույթը, եթե Իսրայելը մասնակցի։ Ավելի վաղ նման հայտարարություն են արել Նիդեռլանդները, Իռլանդիան, Սլովենիան և Իսլանդիան։ 

Այնուամենայնիվ, Իսպանիան առաջինն է մրցույթի, այսպես կոչված, «մեծ հնգյակի» երկրներից, որ նման հայտարարություն է անում։ «Մեծ հնգյակի» մեջ, բացի Իսպանիայից, մտնում են Մեծ Բրիտանիան, Գերմանիան, Իտալիան և Ֆրանսիան։ Այս երկրներն ամենամեծ ֆինանսական ներդրումներն են կատարում «Եվրատեսիլ»-ում, և նրանց մասնակիցներն ավտոմատ կերպով անցնում են եզրափակիչ փուլ։

Sky News-ը նշում է, որ Իսպանիայի և մյուս երկրների կոչերը՝ արգելել Իսրայելի մասնակցությունը մրցույթին, մեծ ճնշում է գործադրում Եվրոպական հեռարձակող միության (EBU) վրա, որը կազմակերպում է մրցույթը։ 

EBU-ն հայտնել է, որ Իսրայելի մասնակցության վերաբերյալ որոշում դեռ չի կայացվել, և որ միությունը «հաշվի է առել մի քանի հեռարձակողների բարձրացրած մտահոգությունները»։

RTVE-ն՝ Իսպանիայի պետական հեռարձակողը, իր որոշման մասին հայտնել է սեպտեմբերի 16-ին տնօրենների խորհրդի քվեարկությունից հետո՝ 10 կողմ, 4 դեմ, 1 ձեռնպահ ձայներով։ 

Իսպանիայի վարչապետ Պեդրո Սանչեսն ավելի վաղ կոչ էր արել թույլ չտալ Իսրայելին մասնակցել մրցույթին՝ ընդգծելով, որ Ռուսաստանը հեռացվել էր մրցույթից 2022 թվականին Ուկրաինայում ռազմական գործողությունների մեկնարկից հետո։

Հայերեն Русский Türkçe

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն