Իսրայելը ցամաքային հարձակում է սկսել Գազա քաղաքի վրա. Axios

2 րոպեի ընթերցում

Իսրայելի պաշտպանության բանակը (ԻՊԲ) ցամաքային հարձակում է սկսել Գազա քաղաքի վրա՝ այն գրավելու նպատակով: «Արմենպրես»-ի փոխանցմամբ՝ այս մասին հաղորդում է Axios լրատվական հարթակը՝ հղում անելով իսրայելցի պաշտոնյաների։

Ըստ հրապարակման՝ սեպտեմբերի 15-ին ԻՊԲ ցամաքային զորքերը մտել են քաղաք. ավելի ուշ նրանց էլի ուժեր կմիանան։ Ցամաքային գործողությունից առաջ վերջին մեկ շաբաթվա ընթացքում ԻՊԲ-ն զանգվածային ավիահարվածներ էր հասցնում Գազային՝ գետնին հավասարեցնելով բազմաթիվ բարձրահարկ շենքեր՝ պնդելով, թե դրանք օգտագործվում են ՀԱՄԱՍ-ի կողմից ռազմական նպատակներով։ Միևնույն ժամանակ Իսրայելը պաղեստինցիներին հորդորել է հեռանալ քաղաքից։ 

Axios-ը շեշտում է, որ իսրայելական հարձակումը սկսվել է ԱՄՆ պետքարտուղար Մարկո Ռուբիոյի և Իսրայելի վարչապետ Բենիամին Նեթանյահուի ու նրա կաբինետի բարձրաստիճան անդամների հանդիպումից մի քանի ժամ անց։

Ըստ երկու իսրայելցի պաշտոնյայի՝ Ռուբիոն Իսրայելի վարչապետին հայտնել է, որ ԱՄՆ նախագահ Դոնալդ Թրամփի վարչակազմն աջակցում է ցամաքային գործողությանը, սակայն ցանկանում է, որ այն արագ իրականացվի և հնարավորինս շուտ ավարտվի։

Իսկ ամերիկացի պաշտոնյաներից մեկն Axios-ին հայտնել է, որ Թրամփի վարչակազմը չի պատրաստվում կանգնեցնել Իսրայելին և թույլ է տալիս նրան սեփական որոշումներ կայացնել Գազայի հատվածում պատերազմի վերաբերյալ։

Իսրայելական հարվածներից պաղեստինյան անկլավում գրեթե 65 000 պաղեստինցի է զոհվել։ Ռազմական գործողությունների պատճառ է դարձել 2023 թ. հոկտեմբերի 7-ին ՀԱՄԱՍ-ի հարձակումն Իսրայելի վրա, որի հետևանքով զոհվել է 1200 մարդ, շուրջ 250 մարդ՝ գերեվարվել։ 

Հայերեն Español Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն