368.54
Թրամփը փամփշտակայուն ապակու հետևից է Նյու Յորքում դիտել բեյսբոլի խաղը
1 րոպեի ընթերցում
ԱՄՆ նախագահ Դոնալդ Թրամփը Նյու Յորքի «Յանկի» մարզադաշտում «Նյու Յորք Յանկիս» և «Դետրոյթ Թայգերս» թիմերի միջև բեյսբոլի խաղը դիտել է փամփշտակայուն ապակու հետևից։ «Արմենպրես»-ի փոխանցմամբ՝ այս մասին հայտնում է AlterNet պարբերականը։
«Նյու Յորք Յանկիս» խմբի սեփականատերը հանդիսացող Սթեյնբրենների ընտանեկան տրիբունայում նրան դիմավորել են ինչպես ծափահարություններով, այնպես էլ սուլոցներով։
Ըստ հրապարակման՝ փամփշտակայուն ապակիները բաժանել են բացօթյա տարածքները մարզադաշտի մնացած հատվածից։
Տեղեկություններ են հաղորդվել, որ Թրամփի այցի նախօրեին մարզադաշտում խստացվել են անվտանգության միջոցառումները։ Խաղի կազմակերպիչները փամփշտակայուն ապակիներ են տեղադրել այն տուգանային հրապարակի շուրջ, որտեղ գտնվելու էր ամերիկացի առաջնորդը։
Յուտայում հրապարակային միջոցառման ժամանակ պահպանողական ակտիվիստ Չարլի Քըրքի սպանությունից հետո Թրամփի թիմն ուժեղացրել է նախագահի անվտանգությունը։ Թրամփը սպանությունը որակել է «սարսափելի հանցագործություն» և հայտարարել, որ նրան հետմահու կպարգևատրի Ազատության նախագահական մեդալով։
Բաժանորդագրվեք մեր ալիքին Telegram-ում