Իսրայելի պաշտպանության նախարարը սպառնացել է ոչնչացնել Գազան

Իսրայելը կկործանի Գազա քաղաքը և կոչնչացնի պաղեստինյան ՀԱՄԱՍ շարժման բոլոր զինյալներին, եթե արմատականները վայր չդնեն զենքը և ազատ չարձակեն պատանդներին: «Արմենպրես»-ի փոխանցմամբ, այս մասին սեպտեմբերի 8-ին X սոցցանցի իր էջում հայտարարել է Իսրայելի պաշտպանության նախարար Իսրայել Կացը՝ հավելելով, որ սա վերջին նախազգուշացումն է։

«Այսօր Գազա քաղաքի վրայով հզոր փոթորիկ կանցնի, և ահաբեկչության երկնաքերերի տանիքները կսկսեն դողալ։ Սա վերջին նախազգուշացումն է ՀԱՄԱՍ-ի մարդասպաններին ու բռնարարներին Գազայում և արտասահմանի շքեղ հյուրանոցներում. ազատ արձակեք պատանդներին և վայր դրեք զենքը. հակառակ դեպքում Գազան կկործանվի, իսկ դուք կոչնչանաք», - գրել է Կացը։

היום תכה סופת הוריקן אדירה בשמי העיר עזה וגגות מגדלי הטרור ירעדו.

זאת אזהרה אחרונה למרצחי ואנסי החמאס בעזה ובמלונות הפאר בחו"ל: שחררו את החטופים והניחו את הנשק - או שעזה תיהרס ואתם תושמדו.

צה"ל ממשיך כמתוכנן - ונערך להרחבת התמרון להכרעת עזה.

— ישראל כ”ץ Israel Katz (@Israel_katz) September 8, 2025

Նա նաև նշել է, որ իսրայելցի զինվորականները շարունակում են գործել ըստ պլանի և պատրաստվում են Գազայի դեմ գործողության ընդլայնմանը։