ԱՄՆ-ն քննարկում է արտասահմանում իր ռազմական ներկայության կրճատման հնարավորությունը

Միացյալ Նահանգները քննարկում է այլ երկրներում իր ռազմական ներկայությունը կրճատելու տարբերակը, սակայն մտադիր չէ հեռանալ Լեհաստանից: «Արմենպրես»-ի հաղորդմամբ՝ այս մասին Լեհաստանի նախագահ Կարոլ Նավրոցկիի հետ Սպիտակ տանը տեղի ունեցած հանդիպման սկզբում հայտարարել է ԱՄՆ նախագահ Դոնալդ Թրամփը։

«Երբեք նույնիսկ չենք մտածել զինվորներին Լեհաստանից դուրս բերելու մասին։ Այլ երկրների պարագայում իսկապես մտածում ենք այդ մասին: Բայց լիովին աջակցում ենք Լեհաստանին և կօգնենք այդ երկրին պաշտպանել իրեն»,- հայտարարել է ԱՄՆ նախագահը: