Եմենի հութիները հայտարարել են, որ ԱԹՍ-ով հարվածել են Իսրայելի բանակի գլխավոր շտաբի շենքին

Եմենի «Անսար Ալլահ» շարժման հութիների ներկայացուցիչը հայտարարել է, որ անօդաչու թռչող սարքերով հարվածներ են հասցվել Իսրայելի տարածքում գտնվող չորս օբյեկտի, այդ թվում՝ զինված ուժերի գլխավոր շտաբի շենքին։ 

«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, շարժման ռազմական խոսնակ Յահյա Սարիան «Ալ Մասիրա» հեռուստաալիքի եթերում մանրամասնել է, որ ԱԹՍ-ներով հարվածներ են հասցվել նաև Բեն Գուրիոն օդանավակայանին, Աշդոդի ծովային նավահանգստին և Թել Ավիվի էլեկտրակայանին։ 

Նրա պնդմամբ՝ հարվածները հաջողությամբ հասել են իրենց նպատակներին։