Մակրոնը հայտարարել է, որ Թրամփը Ռուսաստան-ԱՄՆ գագաթնաժողովում մտադիր է հասնել հրադադարի Ուկրաինայում
1 րոպեի ընթերցում
ԱՄՆ նախագահ Դոնալդ Թրամփը մտադիր է օգոստոսի 15-ին Ալյասկայում կայանալիք գագաթնաժողովի արդյունքում Ուկրաինայում հրադադարի հասնել։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին հայտարարել է Ֆրանսիայի նախագահ Էմանուել Մակրոնը՝ եվրոպացի առաջնորդների և Թրամփի հետ առցանց հանդիպումից հետո։
Նա նշել է, որ ԱՄՆ նախագահի գլխավոր նպատակը Ալյասկայում Ռուսաստանի նախագահի հետ հանդիպման ժամանակ հրադադարն է:
Ֆրանսիայի նախագահը նաև հիշեցրել է ԵՄ դիրքորոշումը, ըստ որի՝ տարածքային հարցերը պետք է քննարկվեն միայն Ուկրաինայի մասնակցությամբ։
Խոսելով նոր պատժամիջոցներ սահմանելու հնարավորության մասին՝ Մակրոնը ոչինչ չի բացառել։
Օգոստոսի 13-ին տեղի է ունեցել Գերմանիայի կանցլեր Ֆրիդրիխ Մերցի կողմից կազմակերպված եվրոպական երկրների պետությունների և կառավարությունների ղեկավարների առցանց հանդիպումը՝ Ուկրաինայի հարցով, որին մասնակցել են նաև Դոնալդ Թրամփը և Բեռլին ժամանած Վլադիմիր Զելենսկին։