Թրամփը հայտարարել է Պուտինի հետ Ալյասկայում հանդիպելու մասին

ԱՄՆ նախագահ Դոնալդ Թրամփը հայտարարել է, որ օգոստոսի 15-ին Ալյասկայում կհանդիպի Ռուսաստանի նախագահ Վլադիմիր Պուտինի հետ։ Ինչպես հաղորդում է «Արմենպրես»-ը, այս մասին նա գրառում է կատարել Truth Social սոցիալական ցանցում։ 

«Իմ՝ Ամերիկայի Միացյալ Նահանգների նախագահի, և Ռուսաստանի Դաշնության նախագահ Վլադիմիր Պուտինի միջև երկար սպասված հանդիպումը կկայանա հաջորդ ուրբաթ՝ 2025 թվականի օգոստոսի 15-ին, Ալյասկայի հզոր նահանգում։ Լրացուցիչ մանրամասները կհայտարարվեն ավելի ուշ», - գրել է Թրամփը։