Պուտինը պատրաստ է Զելենսկիի հետ հանդիպման՝ փորձագիտական նախապատրաստությունից հետո. Պեսկով

ՌԴ նախագահ Վլադիմիր Պուտինը պատրաստ է հանդիպել Ուկրաինայի նախագահ Վոլոդիմիր Զելենսկիի հետ՝ փորձագիտական ​​մակարդակով այդ հանդիպման նախապատրաստությունից հետո: Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հայտարարել է Կրեմլի խոսնակ Դմիտրի Պեսկովը:

«Հանդիպման համար ամբողջ նախապատրաստական ​​աշխատանքն առայժմ արված չէ: Եվ ցանկանում եմ հիշեցնել, որ նախագահն ինքը չի բացառում այդ հանդիպման անցկացումն այն բանից հետո, երբ փորձագիտական ​​մակարդակով կատարված լինի անհրաժեշտ աշխատանքը և անհրաժեշտ չափով հաղթահարվի հեռավորությունը», - հայտարարել է Պեսկովը լրագրողների հետ զրույցում:

ՌԴ նախագահի մամուլի քարտուղարը նաև պատասխանել է այն հարցին՝ արդյոք ԱՄՆ նախագահ Դոնալդ Թրամփի վերջին հայտարարությունները Ռուսաստանի հետ միջուկային պատերազմի պատրաստ լինելու մասին Կրեմլում համարում են էսկալացիայի առիթ:

«Մենք չենք կարծում, թե այժմ խոսքն ինչ-որ էսկալացիայի մասին է: Հասկանալի է, որ քննարկվում են շատ բարդ, շատ զգայուն թեմաներ, որոնք, անշուշտ, շատերի կողմից ընկալվում են շատ հուզականորեն», - ասել է Պեսկովը: