Samsung-ը կօգնի Tesla-ին նոր սերնդի չիպերի արտադրության հարցում

Ամերիկացի ձեռնարկատեր Իլոն Մասկը հայտարարել է, որ հարավկորեական Samsung ընկերությունը կօգնի էլեկտրոմոբիլների արտադրությամբ զբաղվող Tesla ընկերությանը նոր սերնդի AI6 չիպերի արտադրության հարցում։ «Արմենպրես»-ի փոխանցմամբ, այս մասին Tesla ընկերության հիմնադիր ղեկավարը հայտնել է X-ի իր էջում։

Samsung’s giant new Texas fab will be dedicated to making Tesla’s next-generation AI6 chip. The strategic importance of this is hard to overstate.

Samsung currently makes AI4.

TSMC will make AI5, which just finished design, initially in Taiwan and then Arizona.

— Elon Musk (@elonmusk) July 28, 2025

«Samsung-ի հսկայական նոր գործարանը Տեխասում նվիրված կլինի Tesla-ի նոր սերնդի AI6 չիպերի արտադրությանը։ Դժվար է գերագնահատել դրա ռազմավարական կարևորությունը»,- նշել է Մասկը։

Նա հայտնել է նաև, որ հարավկորեական ընկերությունը համաձայնել է թույլատրել  Tesla-ին օգնել արտադրության արդյունավետությունը մեծացնելու հարցում։

Forbes-ի փոխանցմամբ, Մասկի հայտարարությունից կարճ ժամանակ առաջ Samsung-ը կարգավորող մարմիններին ներկայացված հայտարարության մեջ հայտնել էր, որ 16.5 միլիարդ դոլարի պայմանագիր է կնքել «խոշոր համաշխարհային ընկերության» հետ։

Պայմանագիրը կգործի մինչև 2033 թվականի վերջը, իսկ Samsung-ի կիսահաղորդիչների արտադրության գործարանը Տեխաս նահանգի Թեյլոր բնակավայրում ակնկալվում է, որ կգործի 2026 թվականից։