368.59
Իտալիան պատրաստ է ճանաչել Պաղեստինի Պետությունը միայն դրա իրական ստեղծումից հետո
1 րոպեի ընթերցում
Իտալիայի վարչապետ Ջորջա Մելոնին հայտարարել է պաղեստինյան պետությունը ճանաչելու պատրաստակամության մասին, սակայն նշել է, որ հակաարդյունավետ է համարում մինչ դրա ստեղծումը նման քայլի դիմելը։ «Արմենպրես»-ի հաղորդմամբ՝ նրա խոսքերը վկայակոչում է Jerusalem Post թերթը։
«Ես վճռականորեն աջակցում եմ պաղեստինյան պետությանը, բայց դեմ եմ այն ճանաչելուն` նախքան դրա ստեղծումը»,- լրատվամիջոցի փոխանցմամբ՝ հայտարարել է Մելոնին։
Նախօրեին Իտալիայի արտաքին գործերի նախարարությունը հայտարարել էր, որ պաղեստինյան պետության ճանաչումը պետք է տեղի ունենա պաղեստինցիների կողմից Իսրայելի ճանաչման հետ միաժամանակ։
Նույն օրը Ֆրանսիայի նախագահ Էմանուել Մակրոնը հայտարարել էր, որ սեպտեմբերին կայանալիք ՄԱԿ-ի Գլխավոր ասամբլեայում Փարիզը կճանաչի Պաղեստինի Պետությունը։ Մակրոնի այս հայտարարությանը կտրականապես դեմ էին արտահայտվել ԱՄՆ պետքարտուղար Մարկո Ռուբիոն և Իսրայելի վարչապետ Բենիամին Նեթանյահուն, սակայն մի շարք երկրներ ողջունել են այն։
Մեծ Բրիտանիայի վարչապետ Քիր Սթարմերն էլ հայտարարել էր, որ Մերձավոր Արևելքում իրավիճակի կարգավորման ուղիներից մեկը պաղեստինյան պետության ստեղծումն է։
Բաժանորդագրվեք մեր ալիքին Telegram-ում