1 րոպեի ընթերցում
Գերմանիան կաջակցի Ուկրաինային՝ ֆինանսավորելով հեռահար հրթիռային համակարգերի մատակարարումը, որոնց առաջին խմբաքանակը կարող է ուղարկվել արդեն հուլիսի վերջին։
«Արմենպրես»-ի հաղորդմամբ՝ գերմանական ZDF հեռուստաալիքի եթերում այս մասին հայտարարել է Գերմանիայի պաշտպանության նախարարության՝ Ուկրաինայի հարցով հատուկ շտաբի ղեկավար, գեներալ Քրիստիան Ֆրոյդինգը։
«Նման համակարգերի առաջին մատակարարումը նախատեսվում է հուլիսի վերջին»,- նշել է նա։
Գեներալը հայտարարել է, որ ֆինանսական արտահայտմամբ մատակարարումները գնահատվում են եռանիշ մեծ թվերով։ Ֆրոյդինգը հավելել է, որ Գերմանիան իր գործողությունները համաձայնեցնում է գործընկերների հետ։