Փոխնախարար Աբիսողոմոնյանն ԱԳՆ պատվո մեդալ է հանձնել Հայաստանում առաքելությունն ավարտող ՄԱԿ-ի Պարենի համաշխարհային ծրագրի տնօրեն Սկաուին
1 րոպեի ընթերցում
ՀՀ ԱԳ նախարարի տեղակալ Ռոբերտ Աբիսողոմոնյանը հուլիսի 11-ին ընդունել է Հայաստանում ՄԱԿ-ի Պարենի համաշխարհային ծրագրի տնօրեն Նաննա Սկաուին՝ վերջինիս առաքելության ավարտի կապակցությամբ:
Ինչպես «Արմենպրես»-ին տեղեկացրին ՀՀ արտաքին գործերի նախարարությունից, հանդիպման ընթացքում կողմերն անդրադարձել են Հայաստան-ՊՀԾ արդյունավետ համագործակցությանը և համատեղ իրականացվող ծրագրերին: Զրուցակիցները երկուստեք գոհունակություն են հայտնել տարված աշխատանքների և գրանցված արդյունքների կապակցությամբ` կարևորելով ծրագրերի շարունակականության ապահովումը և նոր ուղղությունների նախանշումը:
Արդյունավետ աշխատանքի և ՀՀ-ՊՀԾ համագործակցության զարգացման գործում ունեցած ավանդի համար նախարարի տեղակալ Ռոբերտ Աբիսողոմոնյանը Նաննա Սկաուին հանձնել է ԱԳՆ պատվո մեդալ՝ հաջողություն մաղթելով հետագա գործունեության մեջ: