ՀՀ և ԱՄԷ արտգործնախարարները քննարկել են տնտեսական համագործակցության և ներդրումային հարցերը

ՀՀ արտաքին գործերի նախարար Արարատ Միրզոյանը Աբու Դաբիում ԱՄԷ արտաքին գործերի նախարար Աբդուլլահ բին Զայեդի հետ քննարկել է տնտեսական համագործակցության զարգացման և ներդրումային հնարավորությունները։ «Արմենպրես»-ի հաղորդմամբ՝ այս մասին Միրզոյանը գրել է «X» սոցիալական ցանցի իր միկրոբլոգում։

«Վարչապետ Նիկոլ Փաշինյանին Աբու Դաբիում ուղեկցելիս մի քանի առանցքային թեմաների շուրջ լավ զրույց ունեցա իմ գործընկեր Աբդուլլահ բին Զայեդի հետ: Մասնավորապես, քննարկեցինք տնտեսական համագործակցությունը և ներդրումները բարելավելու ուղիները։

Տարածաշրջանային խաղաղությունը և փոխկապակցվածությունը կարող են ստեղծել ավելի բարենպաստ միջավայր»,- գրել է Միրզոյանը։

While accompanying PM @NikolPashinyan in Abu Dhabi had a good exchange w/my counterpart Abdullah bin Zayed on some key topics. Particularly looked into ways to enhance 🇦🇲-🇦🇪 economic cooperation, investments. Regional peace & connectivity can foster more beneficial environment. pic.twitter.com/vUJ9W0cvGb

— Ararat Mirzoyan (@AraratMirzoyan) July 10, 2025