383.91
Լեհաստանը բողոքի նոտա է հղել Ռուսաստանին Կիևում դեսպանատան վնասման համար
1 րոպեի ընթերցում
Լեհաստանի Արտաքին գործերի նախարարությունը պաշտոնական նոտա է հղել Ռուսաստանի դեսպանատանը՝ Կիևում տեղի ունեցած ավիահարվածի կապակցությամբ, որի հետևանքով վնասվել է Լեհաստանի դեսպանատան շենքը։ «Արմենպրես»-ի հաղորդմամբ՝ այս մասին հայտարարություն է տարածել արտաքին գերատեսչությունը, որը հրապարակվել է X-ի միկրոբլոգում։
«Արտաքին գործերի նախարարությունը բողոքի նոտա է հղել Ռուսաստանի դեսպանատանը՝ ավիահարվածների կապակցությամբ։ Նման գործողությունները հակասում են միջազգային իրավունքին, մասնավորապես՝ 1961 թվականի Վիեննայի կոնվենցիային դիվանագիտական հարաբերությունների մասին», – նշված է հայտարարության մեջ։
Ավելի վաղ, Լեհաստանի արտգործնախարար Ռադոսլավ Սիկորսկին հայտնել էր, որ Կիևում Լեհաստանի դեսպանատան շենքը վնասվել է ռուսական հրթիռային հարվածի հետևանքով։ Նրա խոսքով՝ Ուկրաինային շտապ անհրաժեշտ են հակաօդային պաշտպանության լրացուցիչ միջոցներ։
Լեհաստանի արտգործնախարարությունը խստորեն դատապարտել է տեղի ունեցածը և ակնկալում է պատշաճ արձագանք միջազգային հանրությունից։
Բաժանորդագրվեք մեր ալիքին Telegram-ում