1 րոպեի ընթերցում
Եմենի հյուսիսում իշխող «Անսար Ալլահ» շիա ռազմաքաղաքական շարժումը (հութիներ) հայտարարել է Իսրայելի հարավում գտնվող Բեյեր Շևա քաղաքում թիրախի հրթիռակոծման մասին։ «Արմենպրես»-ի հաղորդմամբ՝ դրա վերաբերյալ Telegram ալիքում հաղորդագրություն է տարածել հութիների ռազմական ներկայացուցիչ Յահյա Սարիան։
«Մենք «Զուլֆիկար» հրթիռի միջոցով որակյալ գործողություն ենք իրականացրել Բեյեր Շևայում թշնամական զգայուն թիրախի դեմ՝ հաջողությամբ հասնելով մեր նպատակին։ Կշարունակենք եղբայրական պաղեստինյան ժողովրդին աջակցելու մեր գործողությունները՝ մինչև նրա դեմ ագրեսիայի ավարտը և Գազայի շրջափակման վերացումը»,- նշել է Յահյա Սարիան։