1 րոպեի ընթերցում
Ռուսաստանի Դաշնության պաշտպանության նախարարությունը հայտնել է Մոսկվայի ու Կիևի միջև ռազմագերիների փոխանակում իրականացնելու մասին։
«Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ մեջբերելով ՌԴ պաշտպանության նախարարության տարածած հաղորդագրությունը։
«Համաձայն այս տարվա հունիսի 2-ին Ստամբուլում ձեռք բերված ռուս-ուկրաինական պայմանավորվածությունների՝ Կիևի ռեժիմի կողմից վերահսկվող տարածքից վերադարձվեց ռուս զինծառայողների ևս մեկ խումբ։ Դրա դիմաց Ուկրաինայի զինված ուժերի ռազմագերիների խումբ է փոխանցվել»,- հայտնել է գերատեսչությունը։
Նշվում է, որ ներկայում ռուս զինծառայողները գտնվում են Բելառուսում, որտեղ նրանք ստանում են անհրաժեշտ հոգեբանական և բժշկական օգնություն։
«Բոլոր ռուս զինծառայողները կտեղափոխվեն Ռուսաստան՝ Պաշտպանության նախարարության բժշկական հաստատություններում բուժման և վերականգնողական բուժման համար»,- փոխանցել է ռուսական լրատվամիջոցը։