Ենթակառուցվածքների ոլորտում համագործակցությունը ռազմավարական նշանակություն երկու երկրների համար. ՀՀ ՏԿԵ նախարարը՝ Վրաստանի դեսպանին
1 րոպեի ընթերցում
ՀՀ տարածքային կառավարման և ենթակառուցվածքների նախարար Դավիթ Խուդաթյանը հունիսի 25-ին ընդունել է Հայաստանում Վրաստանի արտակարգ և լիազոր դեսպան Գիորգի Շարվաշիձեին։
Ինչպես «Արմենպրես»-ին տեղեկացրին ՀՀ ՏԿԵ նախարարությունից, Դավիթ Խուդաթյանը ողջունել է դեսպանին և ընդգծել, որ Հայաստանի և Վրաստանի համագործակցությունը ենթակառուցվածքների ոլորտում ունի ռազմավարական նշանակություն երկու երկրների համար։
Հանդիպման ժամանակ անդրադարձ է կատարվել էներգետիկ ոլորտին։
Ըստ աղբյուրի՝ նախարար Խուդաթյանն ընդգծել է, որ այս ոլորտում համագործակցության հսկայական ներուժ կա, որի լիարժեք օգտագործումը կնպաստի տարածաշրջանային էներգետիկ անվտանգության ամրապնդմանը։
Անդրադարձ է կատարվել նաև տրանսպորտի ոլորտին, ինչպես նաև Հայաստանի և Վրաստանի միջև միջտարածաշրջանային համագործակցությանը։