1 րոպեի ընթերցում
Հնդկաստանի և Պակիստանի միջև հարաբերությունների բարելավումը տեսանելի ապագայում քիչ հավանական է։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին հայտնել է Հնդկաստանի արտաքին գործերի փոխնախարար Վիկրամ Միսրին։
«Ես տեսանելի ապագայում Հնդկաստանի և Պակիստանի միջև հարաբերությունները բարելավելու որևէ հնարավորություն չեմ տեսնում»,- ասել է Հնդկաստանի փոխարտգործնախարարը խորհրդարանի միջազգային հարաբերությունների հանձնաժողովի փակ նիստում։
Միսրին նաև հերքել է ԱՄՆ նախագահ Դոնալդ Թրամփի կողմից Հնդկաստանի և Պակիստանի միջև հրադադարի շուրջ բանակցությունների միջնորդության մասին լուրերը և հերքել է օտարերկրյա առաջնորդների կողմից հակամարտությունը նման կերպ մեկնաբանելու հնարավորությունը: