Միրզոյանը խաղաղության և անվտանգության շուրջ Եվրոպական քաղաքական համայնքի ու Հայաստանի ըմբռնումները համահունչ է համարում

Հայաստանի Հանրապետության արտաքին գործերի նախարար Արարատ Միրզոյանն, անդրադառնալով Տիրանայում անցկացվող Եվրոպական քաղաքական համայնքի գագաթնաժողովին, ընդգծել է անմիջական և ավելի լայն հարևանության մեջ խաղաղության արդյունավետ լուծումների որոնմանը, անվտանգության և բարգավաճման ամրապնդմանն ուղղված այդ հարթակում Հայաստանի ակտիվ ներգրավվածությունը։

«Արմենպրեսի»-ի հաղորդմամբ՝ այս մասին Արարատ Միրզոյանը նշել է X-ի իր միկրոբոլոգում կատարած գրառման մեջ։

«Եվրոպական քաղաքական համայնքը դարձել է եզակի հարթակ՝ խթանելու քաղաքական երկխոսությունը և ներգրավվածությունը, որոնք ուղղված են մեր անմիջական և ավելի լայն հարևանության մեջ խաղաղության արդյունավետ լուծումների որոնմանը, անվտանգության և բարգավաճման ամրապնդմանը: Այս փոխըմբռնումը Հայաստանի ակտիվ ներգրավվածության և նախաձեռնությունների հիմքում է՝ այս անգամ Տիրանայում»,-նշել է Միրզոյանը։ 

European Political Community has become a unique platform to foster political dialogue & engagements aimed at looking for effective solutions for peace, strengthening security & prosperity in our immediate & broader #neighborhood. This understanding is at the core of #Armenia’s… pic.twitter.com/cBfQlfG9qf

— Ararat Mirzoyan (@AraratMirzoyan) May 17, 2025