Արարատ Միրզոյանը հաջողություններ է մաղթել Մելանի Ջոլիին Կանադայի արդյունաբերության նախարարի պաշտոնում

Հայաստանի Հանրապետության արտաքին գործերի նախարար Արարատ Միրզոյանը Կանադայի արդեն նախկին ԱԳ նախարար Մելանի Ջոլիին շնորհակալություն է հայտնել հայ-կանադական հարաբերություններն ու գործընկերությունն ավելի ամրապնդելու և իմաստալից դարձնելու համար՝ միաժամանակ շնորհավորելով նրան Կանադայի արդյունաբերության նախարարի պաշտոնը ստանձնելու կապակցությամբ։

«Արմենպրեսի»-ի հաղորդմամբ՝ այս մասին Արարատ Միրզոյանը նշել է X-ի իր միկրոբոլոգում կատարած գրառման մեջ։

«Բարեկամությունն ու անձնական նվիրվածությունը կարող են կարևոր շարժիչ ուժ լինել երկկողմ գործընկերության առաջխաղացման գործում, և ակնհայտ է, որ դա եղել է վերջին մի քանի տարիների ընթացքում Հայաստանի և Կանադայի դեպքում. անկեղծ շնորհակալություն եմ հայտնում Մելանի Ջոլիին մեր երկրների միջև փոխգործակցությունն ավելի ամրապնդելու և ավելի իմաստալից դարձնելու համար։ 

Մաղթում եմ Ձեզ շարունակական հաջողություններ Կանադայի արդյունաբերության նախարարի նոր պաշտոնում»,-գրել է Արարատ Միրզոյանը։  

Friendship & personal dedication can be an important driving force in advancing bilateral partnership, & obviously that’s been the case for past several years for #Armenia & #Canada: sincere gratitude @melaniejoly for making the engagement between our countries stronger & more… pic.twitter.com/66WKfYVKsl

— Ararat Mirzoyan (@AraratMirzoyan) May 16, 2025