Մոսկվան Ուկրաինային պահանջներ է ներկայացրել, որոնք Կիևը գնահատում է որպես «անիրատեսական». Reuters
1 րոպեի ընթերցում
Ստամբուլում անցկացված Ռուսաստանի և Ուկրաինայի պատվիրակությունների միջև բանակցությունների ընթացքում Մոսկվան առաջ է քաշել պահանջներ, որոնք «զգալիորեն գերազանցում են նախորդ բանակցություններում քննարկված շրջանակները»։ «Արմենպրես»-ի հաղորդմամբ՝ այս մասին հաղորդում են Reuters և Sky News-ը՝ հղում անելով ուկրաինական դիվանագիտական աղբյուրի։
Ըստ Sky News-ի զրուցակցի՝ ռուսական կողմի պահանջներից մեկը եղել է ուկրաինական զորքերի դուրսբերումը այն տարածքներից, որոնք Մոսկվան ներկայումս համարում է «Ռուսաստանի մաս»՝ որպես հրադադարի ռեժիմի պահպանման նախապայման։
Աղբյուրի գնահատմամբ՝ ռուսական պահանջները «անիրատեսական» են և «անհաջող փորձեր» են խաղաղ գործընթացի առաջխաղացման ուղղությամբ։
Reuters-ի տվյալներով՝ կողմերի դիրքորոշումների միջև առկա անդունդն ի հայտ է եկել բավական արագ՝ ցույց տալով, որ հակամարտության լուծման ուղիները մնում են փակ կամ խիստ բարդ պայմանների վրա հիմնված։