Ադրբեջանական կողմի կրակոցի հետևանքով Խնածախում վնասվել է բնակելի տան տանիքը

Ադրբեջանի ԶՈՒ ստորաբաժանումները մայիսի 7-ին ժամը 22:22-ի սահմաններում  կրակ են բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել է բնակելի տան տանիքը։

«Արմենպրես»-ի փոխանցմամբ՝ այս մասին հայտնում են Հայաստանի պաշտպանության նախարարությունից՝ հրապարակելով նաև լուսանկարներ:

Նշվում է, որ տուժածներ չկան:
 
«Ադրբեջանական կողմին կոչ ենք անում հետաքննել Խնածախի բնակելի տան գնդակոծման փաստը և հանդես գալ հրապարակային պարզաբանումներով»,- ասված է ՀՀ ՊՆ-ի տարածած հաղորդագրության մեջ: