ՔՊ-ն խորհրդարանական առաջիկա ընտրություններին դաշինքով չի մասնակցի

Հայաստանում իշխող «Քաղաքացիական պայմանագիր» կուսակցությունը 2026 թվականի խորհրդարանական ընտրություններին դաշինքով չի մասնակցի: 

«Արմենպրես»-ի փոխանցմամբ՝ այս մասին ԱԺ-ում լրագրողների հետ զրույցում հայտնեց ՀՀ ԱԺ նախագահ Ալեն Սիմոնյանը: 

«Հաջորդ ընտրություններին, չեմ կարծում, որ դաշինքով ենք գնալու, դա իմ վստահ կարծիքն է: «Քաղաքացիական պայմանագիր» կուսակցությունը 1 տարի հետո Հայաստանի Հանրապետության ժողովրդի հետ խոսելու է և ստանալու է ձայների 50+1 տոկոսը»,-ասաց Սիմոնյանը: 

ԱԺ նախագահը վստահություն հայտնեց, որ ընտրություններից հետո «Քաղաքացիական պայմանագիրը» շարունակելու է բարեփոխումները Հայաստանում: