Ադրբեջանի նախագահը չի ժամանի Մոսկվա՝ Հաղթանակի 80-ամյակին նվիրված միջոցառումներին. ՌԴ նախագահի օգնական

Ադրբեջանի նախագահ Իլհամ Ալիևը չի ժամանի Մոսկվա՝ մասնակցելու Հայրենական մեծ պատերազմում հաղթանակի 80-ամյակին նվիրված միջոցառումներին: «Արմենպրես»-ի հաղորդմամբ՝ այս մասին հայտնում է ռուսական Интерфакс գործակալությունը՝ վկայակոչելով Life.ru տեղեկատվական պորտալի լրագրողին Ռուսաստանի նախագահի օգնական Յուրի Ուշակովի հայտնած տեղեկությունը։

«Ստացվել է հաղորդագրություն, որ Ալիևը, ցավոք, չի ժամանելու։ Բացատրել են այն հանգամանքով, որ նա պետք է մասնակցի Հեյդար Ալիևին նվիրված ներքին միջոցառումներին»,- նշել է Ուշակովը։

Հրապարակման պատրաստման պահին Ադրբեջանը պաշտոնապես չի հայտնել իր նախագահի մոսկովյան այցի չեղարկման մասին: